Şriftin ölçüsü :

Saytın rəngi :

Qələbə bizimlədir!

29 sentyabr 2020 | 16:00

Azərbaycanda fəaliyyət göstərən 50 siyasi partiya Ermənistanın silahlı qüvvələrinin geniş miqyaslı təxribatına dair birgə bəyanat yayıblar.
     Ermənistanın geniş miqyaslı hərbi əməliyyatlara başlaması, mülki əhalinin yaşadığı kəndləri və infrastrukturları hədəf kimi seçərək ağır silahlarla bombalaması beynəlxalq hüquqa ziddir və qarşısı qətiyyətlə alınmalıdır.
     Ermənistan 30 ilə yaxındır ki, BMT-nin Təhlükəsizlik Şurasının qətnamələrinə məhəl qoymur və əfsuslar olsun ki, o, buna görə cəzalandırılırmır. Bəzi hallarda BMT- nin Təhlükəsizlik Şurasının qətnamələri bir neçə gün ərzində icra olunur. Azərbaycana geldikde isə qetnamelar icra olunmur. Bu, ikili standarta əsaslanan yanaşma qəbuledilmezdir. Azərbaycanda fəaliyyət göstərən və bu bəyanatı imzalayan siyası partiyalar Ali Baş Komandan prezident İlham Əliyevin vətənimizin ərazi bütövlüyünün və vətəndaşların təhlükəsizliyin qorunması, Ermənistanın ölkəmizə qarşı həyata keçirdiyi geniş miqyaslı terror təxribatlarının qarşısının alınması məqsədilə həyata keçirdiyi bütün siyasi və hərbi tədbirlər yekdilliklə dəstəkləyir və onun yanında olduğunu bildirir! Təssüflər olsun ki, Müsavat Partiyası və Azərbaycan Xalq Cəbhəsi partiyası milli həmrəylik nümayiş etdirə bilmədilər.
     Özlərini xalqın, millətin yanında olduqlarını göstərmyə çalışan Müsavat Partiyası və Azərbaycan Xalq Cəbhəsi Partiyası təəssüf ki, Vətənimizin bu ağır günündə, torpaqlarımızın Ermənistanın işğalından azad edilməsi üçün şanlı ordumuzun uğurlu əks hücum əməliyyatlarına digər siyasi partiyalarla birlikdə dəstək vermədilər. Ali Baş Komandan bu sahədə həyata keçirdiyi siyasəti dəstəkləmələri onların səmimi olamadıqlarını əsl simalarını göstərir. Radikal müxalifət öz maddi maraqlarına üstünlük verdiyi və siyasi partiyaların həmrəylik çağırışına qoşulmadı. Azərbaycan xalqı son 30 ildir səbirsizliklə gözlədiyi vətən müharibəsinin başlamasının ilk günündə Müsavat və Azərbaycan Xalq Cəbhəsi partiyaları ümummilli dəyərlərə sahib çıxmayaraq, Vətən torpaqlarını düşman tapdağından azad edilməsinə sevinməyərək, düşmən dəyirmanına su tökdülər. Siyasi ədavət saxlayan bu partiyalar belə tarixi bir gündə Ali Baş Komandan İlham Əliyevin yanında olma qabiliyyətini göstərə bilmədilər. Prezident İlham Əliyev son zamanlarda həyata keçirdiyi islahatları görməyən, daxili ictimai-siyasi həyata yeni nəfəs verən siyasi dialoq çağırışına cavab verməyən Müsavat Partiyası və Azərbaycan Xalq Cəbhəsi Partiyası dövlətimizin və xalqımızın çətin və şərəfli günündə birlik və bərabərlik kimi milli çağırışlara qoşulmamaları böyük bir təəssüf doğurur.
     Biz birlikdə zəfər çalacağıq və torpaqlarımızı düşmən tapdağından azad edəcəyik!

  Aqil Alışov,
   Xocalı rayon ziyalısı

Keçidlər