31 Mart Azərbaycanlıların Soyqırımı

29.03.2013-cü il tarixdə Goranboy rayonu Aşağı Ağcakənd qəsəbəsində yerləşən Xocalı rayon İcra Hakimiyyətinin akt zalında “31 Mart Azərbaycanlıların Soyqırımı” günü ilə bağlı ümumrayon tədbiri keçirildi. Tədbirdən öncə soyqırım qurbanlarının xatirəsini yad etmək üçün  Goranboy rayonu Aşağı Ağcakənd qəsəbəsində yerləşən Xocalı Soyqırımı qurbanlarının xatirəsinə ucaldılan abidə rayon ziyalıları və ictimaiyyəti tərəfindən ziyarət edildi, abidə önünə əklil və tər gül dəstələri qoyuldu.
Ümumrayon tədbirində iştirak edən  rayon İcra Hakimiyyətinin Başçısı Şahmar Usubov  31 Mart Azərbaycanlıların soyqırımı ilə bağlı rayon sakinlərinə başsağlığı vermiş və erməni millətçiləri tərəfində xalqımıza qarşı keçirilən soyqırımı və təcavüz siyasətini pisləmişdir.  Erməni  şovinist millətçilərinin xalqımıza qarşı təcavüzünün bu gündə davam etdiyini , onun ağır nəticələrinin isə yüz minlərlə soydaşımızın   taleyində özünü göstərməkdə olduğunu bildirmişdir. Rayon rəhbəri qeyd etmişdir ki, belə bir zamanda  bizim məqsədimiz  erməni millətçilərinin  törətdiyi soyqırımı kimi cinayətləri dünya dövlətlərinin parlamentlərinə, beynəlxalq  təşkilatlar tərəfindən tanınmasına və pislənilməsinə nail olmalıyıq.
Ş.Usubov nitqinin sonunda xüsusilə vurğulayaraq qeyd etdi,  biz inanırıq ki,
haqq-ədalətin bərpa olunacağı , münaqişənin  beynəlxalq hüquq  normaları və ədalət prinsipləri əsasında  həllini tapaçağı gün uzaqda deyil.