Rayon İcra Hakimiyyətinin başçısı Şahmar Usubovun rayon sakinlərinin müvəqqəti məskunlaşdıqları ərazilərdə səyyar qəbulları davam edir
26 may 2022 | 12:07
Xocalı rayon İcra Hakimiyyətinin başçısı Şahmar Usubov 2022-ci ilin may ayında yerlərdə keçirəcəyi qəbul və görüşlərin qrafikinə əsasən may ayının 26-da Yevlax şəhərində məcburi köçkünlər üçün salınmış yaşayış kompleksində müvəqqəti olaraq məskunlaşmış Xocalı rayon sakinləri ilə səyyar qəbul-görüş keçirdi. Görüşdə Xocalı rayon İcra Hakimiyyətinin başçısı Şahmar Usubov, rayon icra hakimiyyəti aparatının məsul şəxsləri, hüquq-mühafizə orqanlarının, idarə, müəssisələrin rəhbərləri və sakinlər iştirak etdilər.
Rayon İcra Hakimiyyətinin başçısı Şahmar Usubov çıxış edərək son illərdə respublikamızın, o cümlədən Xocalı rayonunun sosial-iqtisadi inkişafı, əhalini narahat edən problemlərin həlli istiqamətində görülən tədbirlər, əhalinin sosial rifah halının yaxşılaşdırılması istiqamətində Ölkə Rəhbərliyi tərəfindən həyata keçirilən sosial layihələr barədə sakinlərinə məlumat verdi.
İcra başçısı qəbulda iştirak edən sakinləri dinləyərək onların qaldırdıqları problemlərin həll olunması üçün müvafiq tapşırıqlar verdi.
Səyyari görüş-qəbulda 19 nəfər iştirak etmişdir.
Keçidlər
