Şirvan şəhəri F.X.Xoyski küçəsində yerləşən 685 ailəlik məcburi köçkün şəhərciyində müvəqqəti olaraq məskunlaşmış Xocalı rayon sakinlərinin səyyar-görüş qəbulu keçirilmişdir.
24 sentyabr 2022 | 16:36
Xocalı rayon İcra Hakimiyyətinin başçısı Şahmar Usubov 2022-ci ilin sentyabr ayında yerlərdə keçirəcəyi qəbul və görüşlərin qrafikinə əsasən 24 sentyabr 2022-ci il tarixdə Şirvan şəhəri F.X.Xoyski küçəsində yerləşən 685 ailəlik məcburi köçkün şəhərciyində müvəqqəti olaraq məskunlaşmış Xocalı rayon sakinlərinin səyyar-görüş qəbulunu keçirmişdir.
Səyyar görüş-qəbulda rayonun idarə, müəssisə və təşkilat nümayəndələri, həmçinin Xocalı rayon sakinləri iştirak etmişdir.
Rayon İcra Hakimiyyətinin başçısı Şahmar Usubov səyyar görüşdə sakinlərə ilk öncə Azərbaycan Respublikasının Prezidenti cənab İlham Əliyev tərəfindən aparılan uğurlu daxili və xarici siyasət, eləcə də əhalinin sosial müdafiəsinə və rifah halının yüksəldilməsinə yönəlmiş dövlət qərarları haqqında ətraflı məlumat vermişdir.
Daha sonra qəbulda iştirak edən vətəndaşların müraciətləri dinlənilmiş, onları narahat edən məsələlər Rayon İcra Hakimiyyəti başçısının nəzərinə çatdırılmışdır.Vətəndaşlar tərəfindən qaldırılan məsələlərin qeydiyyatı aparılaraq nəzarətə götürülmüşdür.
Səyyar görüş-qəbulda 16 nəfər iştirak etmişdir.
Keçidlər
