Xocalı şəhər ümumtəhsil müəssisələrində “Konstitusiya və Suverenlik ili” ilə bağlı tədbir keçirildi
20 fevral 2025 | 16:51
2025-ci ilin Azərbaycan Respublikasında "Konstitusiya və Suverenlik ili" elan edilməsi ilə əlaqədar olaraq, Xocalı rayon İcra Hakimiyyətinin təşkilatçılığı ilə 20 fevral 2025-ci il tarixində Xocalı şəhər ümumtəhsil müəssisələrində xüsusi bir tədbir keçirilmişdir. Tədbir, ölkənin suverenliyi, konstitusiya prinsipləri və vətəndaş hüquqları mövzusunda maarifləndirmə məqsədi daşıyırdı.
Tədbir pedoqoji kollektivin və şagirdlərin iştirakı ilə keçirilmişdir. Tədbirdə Xocalı rayon İcra Hakimiyyətinin başçısının müavini Lamiyyə Qarayeva çıxış edərək, tədbirin əhəmiyyətini vurğulamışdır. Lamiyyə Qarayeva, 2025-ci il Konstitusiya və Suverenlik ili çərçivəsində dövlətimizin əldə etdiyi nailiyyətləri və müstəqillik uğrunda keçdiyi yolu qeyd etmişdir. O, Azərbaycanın suverenliyinin, müstəqilliyinin və ərazi bütövlüyünün qorunmasının hər bir vətəndaşın müqəddəs vəzifəsi olduğunu bildirmiş, xüsusilə gəncləri ölkə tarixinin və hüquqi əsaslarının dərin təhlilinə çağırmışdır.
Həmçinin digər çıxış edənlər də ölkənin qanunvericilik bazasını və dövlətin suverenliyinin qorunması istiqamətindəki tədbirləri öz şagirdlərinə izah edərək, onlara hüquqi biliklərin artırılmasının vacibliyini bildirib.
Məruzəçilər və iştirakçılar, xüsusilə Xocalı soyqırımının Azərbaycan xalqı üçün dərin təsirlərini, eyni zamanda müstəqillik və suverenlik uğrunda mübarizənin əhəmiyyətini diqqətə çatdırmışdır. Xocalı rayonunun Azərbaycanın azadlıq və müstəqillik yolundakı şanlı tarixini gənclərə aşılamağın önəmli olduğunu qeyd edərək, tədbirə qatılan hər kəsi milli dəyərlər və vətənpərvərlik mövzusunda daha çox çalışmağa dəvət etmişdir.
Bu tədbir, gənclərin dövlətin suverenliyi və konstitusiya hüquqları barədə daha çox məlumat əldə etmələrinə, həmçinin ölkənin hüquqi əsaslarını dərindən anlamağa kömək etməyə yönəlmiş vacib bir addım olmuşdur.
Keçidlər
